எங்களைப் பற்றி

උතුරු මැද පළාත ප්‍රෞඩ ඉතිහාසයකට හිමිකම් කියන අතර ස්වභාව සෞන්දර්යෙන් ද අනුන පළාතකි.උතුරු මැද පළාත අනුරාධපුර හා පොළොන්නරුව දිස්ත්‍රික්ක ඇතුළත් වන පරිදි ප්‍රාදේශීය ලේකම් කොට්ඨාශ 29කින් සමන්විත වන පරිදි පළාත මායිම් වී ඇත. මෙහි වර්ග කි.මී.10,472ක් වන අතර මුළු ජනගහනය 1,425,773 ක් ජිවත් වෙති. උතුරු මැද පළාත කෘෂිකාර්මික ජිවන රටාවක් පවතින අතර විවිධ ජන කොට්ඨාශයන් හා විවිධ සංස්කෘතීන් ද මෙම පළාත තුළ විශේෂයෙන් දක්නට ලැබේ. 13 වන ආණ්ඩුක්‍රම ව්‍යවස්ථා සංශෝධනය කිරීමේ ප්‍රතිඵලයක් වශයෙන් 1987අංක 47 දරණ පළාත් සභා පනත අනුව ශ්‍රී ලංකාවේ පළාත් සභා ක්‍රමය ස්ථාපිත කරන ලදී. ඒ අනුව ශ්‍රී ලංකාව පළාත් 09කට බෙදා පළාත් සභා පාලන ක්‍රමයක් ඇති කරන ලද අතර 13 වන ආණ්ඩුක්‍රම ව්‍යවස්ථා සංශෝධනයෙන් ඇති කරන ලද පළාත් සභා ක්‍රමයට අදාළව පළාත් සභා සදහා සමගාමී ලැයිස්තුව හා පළාත් සභා ලැයිස්තුව මගින් බලතල පවරන ලදී.
මෙසේ වරින්වර දේශපාලන නායකත්වය මෙන්ම අමාත්‍යංශ විෂයන් ද වෙනස් වෙමින් සෞඛ්‍ය දේශීය වෛද්‍ය සමාජ සුබසාධන පරිවාස හා ළමාරක්ෂක සේවා පරිසර සහ පළාත් සභා කටයුතු අමාත්‍යංශය මිනිසාගේ ජිවන ක්‍රමයට සෘජුවම බලපාන සේවාවන් සපයමින් උතුරු මැද පළාතේ ජන ජිවිතයට ඉතා සමීපව ක්‍රියාත්මක වන අමාත්‍යංශය බවට පත්වී ඇත