උතුරු මැද පළාත් රාජ්ය නිලධාරීන් හා දීප ව්යාප්ත හෙද නිලධාරීන්ගේ වෘත්තීය සමිති නියෝජිතයන් අතර විශේෂ සාකච්ඡාවක් අද (21) උතුරු මැද පළාත් ප්රධාන අමාත්යාංශ ශ්රවණාගාරයේදී පැවැත්විණි.
උතුරු මැද පළාත් ආණ්ඩුකාරවර ලේකම් නන්දන ගලබොඩ මහතාගේ ප්රධානත්වයෙන් පැවැති මෙම සාකච්ඡාවේදී සෞඛ්ය ක්ෂේත්රයට අදාළව පවතින ගැටලු සහ ඒවාට ලබාදිය හැකි විසඳුම් පිළිබඳව දීර්ඝ ලෙස සාකච්ඡා කෙරිණි.
සෞඛ්ය සේවාවේ කාර්යක්ෂමතාව ඉහළ නැංවීම, සෞඛ්ය කාර්ය මණ්ඩලය මුහුණ දෙන ගැටලු සහ වෘත්තීය සමිති විසින් ඉදිරිපත් කළ කරුණු සම්බන්ධයෙන්ද මෙහිදී අවධානය යොමු විය.
මෙම අවස්ථාවට උතුරු මැද පළාත් සෞඛ්ය අමාත්යාංශ ලේකම් ආර්. එම්. ඩී. පී. පුෂ්පකුමාරී මහත්මිය, ආණ්ඩුකාරවර සම්බන්ධීකරණ ලේකම් ආනන්ද රත්නායක මහතා, වෛද්යවරුන්, අධ්යක්ෂවරුන් ඇතුළු සෞඛ්ය ක්ෂේත්රයේ නිලධාරීන් රැසක් සහභාගි වූහ.
මාධ්ය ඒකකය
පළාත් සෞඛ්ය අමාත්යාංශය
-උතුරු මැද පළාත-
Sinhala 
English 
Tamil
No comment